تبرّع بأسنان للتدريب… وساعد طلاب غيرك يتدرّبوا

في كلية طب الأسنان، التدريب العملي أهم شيء…
لكن للأسف مش كل الطلاب عندهم نفس الفرصة.

في طلاب عندهم كمية كبيرة من الأسنان للتدريب، وفي طلاب ثانيين مش قادرين يلاقوا ولا سن واحد.

المشكلة مش بس نقص…
المشكلة إن بعض الطلاب بيحتكروا أكبر عدد ممكن من الأسنان، وهاد الشي مو أخلاقي وبيأثر على غيرهم.

ليش التبرع مهم؟

في طلاب:

• صعب عليهم يوصلوا للعيادات

• ما عندهم علاقات تساعدهم يلاقوا أسنان بسهولة

• ظروفهم ما بتسمحلهم يدوروا لفترات طويلة

دورنا في ليزا دنتل

إحنا بنجمع الأسنان وبنرتّبها وبنوزّعها للطلاب اللي فعلاً:

• محتاجين

• أو ما عندهم مصدر للتدريب

• أو بحاجه حقيقية للتطوير

رسالة بسيطة

إذا عندك أسنان زيادة…
لا تخزنها. ساعد غيرك.
لأن اليوم أنت بتساعد طالب… وبكرا هو بيساعد غيره.